Prej tri javësh, Kina nuk raporton asnjë viktimë nga koronavirusi

Kina deklaroi se këtë martë ka regjistruar vetëm një rast të ri me koronavirus dhe asnjë viktimë.

Bazuar në këtë raportim, në Kinë janë bërë tri javë nga dita kur është regjistruar viktima e fundit nga COVID-19.

Komisioni Kombëtar i Shëndetit saktësoi se 395 pacientë janë duke u trajtuar në spitale, ndërsa 949 persona janë të izoluar dhe nën vëzhgim, pasi kanë dalë pozitivë në testet për koronavirus ose dyshohet se mund të jenë të infektuar.

Në total, vendi ku mendohet se ka shpërthyer koronavirusi, ka raportuar për 4,633 humbje jete dhe 82,881 persona të infektuar.