Presidenti i ri grek merr detyrën

Me ceremoninë e dorëzimit të detyrës nga presidenti në largim Karolos Papulias, presidentit të ri, Prokopis Pavlopulos, përfundoi ndryshimi i gardës në Pallatin Presidencial. Papulias e priti me një duarshtrëngim të ngrohtë presidentin e ri dhe të dy burrat, pasi dëgjuan Himnin Kombëtar, u drejtuan në zyrën e presidentit në largim. “Jam i sigurt se do të jeni një president i shkëlqyer… Po merrni detyrën në një periudhë të vështirë, problemet janë të shumta, me më kryesor çështjen e mirëkuptimit kombëtar. Jam i sigurt se do të bëni çfarë të mundeni që të krijohet një terren i qëndrueshëm pajtimi kombëtar”, theksoi ndër të tjera zoti Papulias. Nga ana e vet, presidenti Pavlopulos tha se përbën nder të veçantë fakti që zëvendfëson zotin Papulias dhe theksoi se “duhet të gjithë të kontribuojmë që të dalë vendi nga kriza e rëndë”, “të luftojmë varfërinë dhe papunësinë dhe kryesisht papunësinë e të rinjve”, ndërsa shtoi se është një luftë e vështirë, jo vetëm për Greqinë, po për gjithë Europën.

Kujtim Vani