Princesha e Spanjës, në gjykatë për mashtrim tatimor me vlerë 6 mln euro

Gjykata e Lartë e Palma de Mallorca vendosi që Princeshës Cristina de Borbon t’i hiqet akuzat për pastrim parash.
Princesha spanjolle është akuzuar së bashku me 16 persona të tjerë për mashtrim tatimor bashkë edhe bashkëshortin e saj Inaki Urdangarin, një fitues olimpik i hendbollit. Personat akuzohen për shpërdorimin e fondeve publike me vlerë 6 milionë euro.
Princesha duhet të paraqitet në gjykatë për t’u përballur me dy akuzat për mashtrim tatimor.
Megjithatë, ka një shans që princesha të shmangë gjykimin nëse gjykata vendos që të përdor “fuqinë e pakufizuar” për rrëzimin e akuzave. Kjo mund të ndodhë nëqoftëse çështja nuk është çuar në gjykatë nga një prokuror publik. Për rastin në fjalë çështja është çuar për gjykim nga një prokuror i krahut të djathtë, Manos Limpias, i grupit anti-korrupsion ose i njohur ndryshe si grupi i duarve të pastra.