Prindërit dhe 11 fëmijët e tyre infektohen nga koronavirusi, po qëndrojnë në izolim të rreptë

Një familje e tërë spanjolle, duke përfshirë njëmbëdhjetë fëmijë, kanë kontraktuar koronavirusin dhe janë nën një izolim të rreptë në shtëpinë e tyre.

Familja Cebrian Gervas është detyruar të mbyllet në Valladolid në Spanjën veri-perëndim pasi 2 prindërit dhe 11 fëmijët e tyre u diagnostikua pozitiv me COVID-19.

Nëna Irene Gervas ishte e para në familje që testoi pozitive për Covid-19.

Babai Jose Maria Cebrian u tha mediave lokale: Fëmijët u prekën një nga një. Disa prej tyre po e përjetojnë atë më mirë dhe disa prej tyre pak më keq. 

Fëmijët sëmuren një ditë, kanë dhimbje koke, të vjella dhe pas kësaj ndihen mirë. Ditën tjetër as nuk mbajnë mend.

Familja është nën një bllokim të rreptë pasi mund të infektojnë të tjerët për shkak të numrit të madh të anëtarëve të familjes nën të njëjtën çati.

Cebrian shtoi: Mjeku na tha që do të duhet të qëndrojmë të paktën edhe dy javë në një bllokim absolut për shkak të ngarkesës virale që kemi. Nëse dalim mund të infektojmë shumë persona.

Ata deri më tani kanë qenë në izolim që nga testimi pozitiv në 14 Mars, ditën kur Spanja njoftoi se po zgjaste gjendjen e saj të alarmit.

Vendi ka regjistruar më shumë se 117,000 raste të koronavirusit dhe afro 11,000 vdekje.

Mediat lokale thanë se familja po mbështetet tek të afërmit dhe djali i tyre 14-vjeçar lejohet të dalë në farmaci për aq kohë sa ai vesh një maskë për fytyrën dhe dorezat.

Cebrian gjithashtu tha:  Familjarët dhe të afërmit tanë kujdesën për ne, na sjellin çdo gjë që na duhet dhe ushqime, i lënë tek garazhi i shtëpisë dhe djali zbret dhe i merr ato.

Fëmijët raportohet se po shkollohen në shtëpi duke përdorur laptopë, tablet dhe telefona celularë.