Protesta të dhunshme kundër shkarkimit të presidentit, raportohen viktima

Të paktën dy persona kanë humbur jetën pasi policia dhe protestuesit u përplasën me njëri-tjetrin në Lima të Perusë.

Dhjetëra njerëz kanë mbetur të plagosur pasi policia hodhi gaz lotsjellës ndaj qytetarëve.

Në Peru shpërthyen protestat pasi të hënën Kongresi votoi për shkarkimin e Presidentit Martin Vizcarra, pas akuzave për rryshfet, gjë që u mohua prej tij.

Ky vendim nuk u prit mirë as nga qytetarët, të cilët vërshuan rrugëve në mbështetje të Vizcarras.

Kongresi sakaq emëroi si president të përkohshëm Manuel Merino.