Protestë masive në Budapest për dorëheqjen e Orban, dhjetëra mijëra njerëz marshojnë drejt Parlamentit

Dhjetëra mijëra njerëz protestuan kundër qeverisë së Viktor Orban në qendër të Budapestit, të udhëhequr nga një avokat, dikur i afërt me administratën, i cili kohët e fundit ka nisur një lëvizje politike që synon të sfidojë kryeministrin.

Protestuesit marshuan drejt parlamentit, disa prej tyre duke thirrur “nuk kemi frikë” dhe “Orban jep dorëheqjen!” Shumë prej tyre mbanin ngjyrat kombëtare të kuqe-bardhe-jeshile ose mbanin flamurin kombëtar, simbole që partia e Orbanit i përdori si të vetat për dy dekadat e fundit.

Tre protestues të intervistuar nga Reuters thanë se Magyar u bëri thirrje atyre sepse ai kishte qenë pranë qeverisë Orban dhe kishte njohuri të brendshme se si funksionon.

Magyar u bë i njohur gjerësisht në shkurt, kur ai dha komente nxitëse për punën e brendshme të qeverisë. Ai akuzoi Antal Rogan, ministrin që drejton zyrën e Orbanit, për drejtimin e një makinerie të centralizuar propagandistike.