Pse nuk dërgon armë të rënda Gjermania në Ukrainë? Kancelari Scholz: Nuk duam luftë me Rusinë

Pse Gjermania nuk i ka dorëzuar armë të rënda Ukrainës? Kancelari Olaf Scholz, thotë se shmangia e një përshkallëzimi drejt NATO-s është një përparësi kryesore. ”Nuk duhet të ketë luftë bërthamore, pasojat do ishin dramatike”.

Scholz po përballet me kritika nga brenda dhe jashtë vendit për ngurrimin e pretenduar të qeverisë së tij për të dorëzuar armë të rënda në Ukrainë, ku pushtimi i Rusisë ka hyrë në një fazë të re dhe potencialisht vendimtare.

“Unë absolutisht nuk e kuptoj sesi një embargo gazi do t’i jepte fund luftës. Nëse Putin do të ishte i hapur ndaj argumenteve ekonomike, ai kurrë nuk do ta kishte filluar këtë luftë të çmendur”.