Putin feston 68 vjetorin, Rusia teston me sukses një raketë supersonike

Një 68 vjetorin e lindjes së presidentit Vladimir Putin, ushtria ruse ka konfirmuar se ka testuar me sukses raketën Tsirkon nga bregu verior i Rusisë. Presidenti Putin këtë ngjarje e ka konsideruar si “shumë të madhe” për këtë shtet.

Shefi i Përgjithshëm i stafit, Valery Gerasimov gjatë një video-konference ka thënë se testimet janë kryer në Detin e Bardhë, duke theksuar se raketa supersonike ka fluturuar me shpejtësi tetë herë më të madhe sesa shpejtësia e zërit.

“Pajisja e Forcave tona të Armatosura -ushtrisë dhe marinës – me sistemet më të fundit të armëve, krejtësisht të pakrahasueshme, do të sigurojë kapacitetet tona mbrojtëse për një kohë të gjatë”, ka thënë Putin.

Presidenti rus ka folur vazhdimisht për armët e reja, sikurse Tsirkon, duke pretenduar se nuk janë të krahasueshme me asnjë armë tjetër në botë, dhe nuk mund të ndalen nga asnjë sistem. Ndërkohë vitin e kaluar, lideri rus ka thënë se raketa Tsirkon do të mund të fluturojë më 9 mars si dhe është zotuar për forcim të prezencës ushtarake të Rusisë në Arktik.