Putin për vdekjen e Henry Kissinger i dërgon telegram gruas së tij: “Burrë shteti i mençur dhe largpamës”

Presidenti rus Vladimir Putin shprehu të enjten ngushëllimet e tij për vdekjen e ish-sekretarit amerikan të shtetit, Henry Kissinger, duke i dërguar një telegram gruas së Kissinger, Putini shprehej se ai ishte një “burrë shteti i mençur dhe largpamës”.

“Emri i Henry Kissinger është i lidhur pazgjidhshmërisht me një linjë pragmatike të politikës së jashtme, e cila në një kohë bëri të mundur arritjen e detensimit në tensionet ndërkombëtare dhe arritjen e marrëveshjeve më të rëndësishme sovjeto-amerikane që kontribuan në forcimin e sigurisë globale”, tha Putin. .

“Kam pasur mundësinë të komunikoj personalisht me këtë njeri të thellë, të jashtëzakonshëm shumë herë dhe padyshim që do të ruaj kujtimin më të bukur të tij.”

Kissinger, i cili vdiq të mërkurën në moshën 100-vjeçare, ndoqi dialogun midis Shteteve të Bashkuara dhe Bashkimit Sovjetik në vitet 1970 që çoi në traktatet e para të mëdha të kontrollit të armëve bërthamore midis dy superfuqive të Luftës së Ftohtë.

Pesë dekada më vonë, lufta në Ukrainë i ka ngritur tensionet midis Moskës dhe Uashingtonit në pikën e tyre më të mprehtë që nga kriza e raketave kubane të vitit 1962, dhe Kremlini e ka përshkruar gjendjen aktuale të marrëdhënieve si “nën zero”.