Putin takon mikun e tij, Lukashenkon: Sfidojmë çdo sanksion

Presidenti i Bjellorusisë, Aleksandër Lukashenko zhvilloi këtë të hënë një takim me homologun e tij rus, Vladimir Putin, me të cilin bisedoi për situatën aktuale në Ukrainë dhe çështje ekonomike.

“Ekonomia ruse po i përballon ndikimin e sanksioneve”, tha presidenti rus Vladimir Putin, pavarësisht parashikimeve ekonomike për vendin pas pushtimit të Ukrainës më 24 shkurt.

“Pavarësisht të gjitha vështirësive, ekonomia ruse po i reziston ndikimit të sanksioneve dhe po e përballon mjaft mirë”, shtoi Putin në takimin me Lukashenko që u zhvillua në qytetin e Soçi.