Putin: Të mos rritet çmimi i vodkës

Presidenti rus, Vladimir Putin ka urdhëruar qeverinë që të ndalojë rritjen e çmimit të vodkës.

Sipas BBC, Putin thotë se rritja e çmimit të vodkës mund të bëjë që njerëzit të kthehen tek konsumimi i alkoolit ilegal dhe mundësisht të pasigurt.

Rusia po përballet me një krizë ekonomike. Monedha vendase, rubla, ka rënë ndjeshëm.

Sipas një studimi të publikuar vjet, 25 përqind e meshkujve rusë vdesin rreth moshës 55 vjeç.

Alkooli është faktor që ndikon në këtë drejtim.

Që prej vitit të shkuar, çmimi i një gjysmë litri vodka është rritur me 30 përqind në një total prej 4.10 dollarë.