Putini po mashtrohet nga këshilltarët, ushtarët refuzojnë urdhrat dhe po rrëzojnë vetë avionët

Shefi i agjencisë britanike të përgjimeve, Sir Jeremy Fleming, thotë se komanda dhe strukturat e kontrollit të fushatës ushtarake të udhëheqësit rus, Vladimir Putin janë në kaos pasi ushtarët refuzojnë urdhrat, sabotojnë pajisjet ushtarake dhe aksidentalisht rrëzojnë avionët dhe helikoperët e tyre.

Këshilltarët e Putinit e gënjejnë atë për humbjet e ushtrisë, apo diskutojnë mes tyre për izolimin e despotit rus dhe qasjen e tij autoritare. Për Sir Jermey, gabimet e Putinit e kanë detyruar atë që të adoptojnë planin B, që ka qenë barbaria ndaj civilëve dhe qyteteve.

Shefi i agjencisë britanike të përgjimeve, po ashtu ka paralajmëruar Kinën që të mos jetë e lidhur ngushtë me një vend që me ndërgjegje shkel rregullat dhe normat për një rend të ri botëror.