Qeveria e kryeministres Meloni drejt historisë, bëhet e dyta më jetëgjatë në Itali

Qeveria e Giorgia Melonit është pranë një momenti historik. Më 2 maj pritet të bëhet e dyta më jetëgjata në historinë e Republikës Italiane, duke kaluar qeverinë e katërt dhe të fundit të Silvio Berlusconi. Rekordin absolut e mban ende qeveria e dytë e Berlusconit, por ekzekutivi aktual synon ta tejkalojë atë në fillim të shtatorit.

Kryeministrja e ka paraqitur këtë qëndrueshmëri si provë të “stabilitetit politik” që sipas saj i është rikthyer Italisë, duke e lidhur edhe me përpjekjet për reforma institucionale dhe zgjedhore.

Rruga nuk ka qenë pa vështirësi: një referendum i dështuar për drejtësinë, diskutime për zgjedhje të parakohshme dhe disa dorëheqje në nivele të larta të qeverisë kanë krijuar tensione.

Pavarësisht këtyre sfidave dhe ndryshimeve në kabinet, deri tani është shmangur një riorganizim i madh, duke i lejuar qeverisë të vazhdojë mandatin dhe t’i afrohet rekordit për kohëzgjatjen më të gjatë në pushtet.