Rasti “Goshinca”, sabotim i Rrjedhës turke të gazit rus!

Katër ditë pas incidentit në karakollin e Goshincës (te Likova) në veri të Maqedonisë ende s’ka informata se çfarë në të vërtetë ka ndodhur aty, as kush qëndron pas sulmit.

“V. Novosti” i Beogradit transmeton pikëpamjen e kolumnistit rus të “Sputnjik news”, Andrej Koribko, i cili këtë rast e sheh si sabotim të idesë për Rrjedhën turke, nëpër të cilën do të duhej të arrinte gazi rus deri në Europë.

Sipas tij këtë kabotazh e ka financuar e realizuar SHBA me qëllim sabotimi të idesë së gazifikimit përmes rrjedhës turke, gypat e të cilit do të duhej të kalonin nëpër Maqedoni, transmeton Koha.net.

“Tani, kur po realizohet plani gazsjellësit në Ballkan, SHBA kanë kuptuar se duhet të reagohet shpejt dhe ta sabotojnë. Pasojë e kësaj është edhe sulmi terrorist shqiptar në Maqedoni”, citon “Novosti” Koribkon. Ai madje parasheh përshkallëzimin e krizës.

Organizatat e veteranëve të UÇK-së, pjesëtarët e të cilës u akuzuan për sulmin në Goshincë, kanë mohuar të kenë gisht në këtë sulm. Edhe MPB e Kosovës hodhi poshtë spekulimet për sulm nga territori i vendit tonë