Refugjatë? Jo në burg për…!

Nuk janë refugjatë, as endacakë por të arrestuar. Ngjarja e cila ka shkaktuar një debat në rrjete sociale lidhet me masat e rrepta të ndërmarra nga Presidenti i sapozgjedhur Rodrigo Duterte. Ai ka vendosur që të bëjë luftë ndaj drogës, ku përveç vrasjeve pa kriter të trafikantëve, ka sjellë edhe një mbipopullim të burgjeve të vendit.

Burgje të parashikuara për mbajtjen e 800 të dënuarve, sot kanë mbi 4000 persona të cilët ruhen nën masa të larta sigurie.

Aktivistë për të drejtat e njeriut e kanë krahasuar me skenën e “Purgatorit” të shkrimtarit italian të shekullit të 13-të, Dante Aligierit.

Zyrtarë filipinas kanë bërë të ditur se ky fakt nuk do t’i ndalojë në luftën e nisur nga Duterte, duke premtuar ndërtimin e burgjeve të reja për të përballuar këtë krizë.