Reja gjigante/Stuhi rëre në ishujt Kanarie

Një stuhi rëre nga Saharaja është përplasur mbi ishujt Kanarie në Spanjë, duke prishur planet e udhëtimit të turistëve për të fluturuar jashtë apo drejt vendit.

Një gjendje alarmi u lëshua nga qeveria rajonale të shtunën, me banorët që u këshilluan të qëndronin nëpër shtëpi, të mbyllnin dritaret dhe të evitonin udhëtimet. Shërbimi kombëtar i motit në Spanjë tha se era me shpejtësi prej më shumë se 120 km në orë mund të përplasej mbi Kanarie deri të hënën.

Era e fortë i ka mbështjellë ishujt me një re të dendur rëre nga shkretëtira e Saharasë, rreth 500 km përtej Oqeantit Atlantik. Stuhia e rërës ishte aq e madhe saqë mund të shikohej edhe nga hapësira, me imazhet që vinin nga satelitët që tregonin se si ajo mbërthente ishujt. Shërbimet e trageteve dhe përpjekjet për të shuar zjarret në disa zona të grand Kanarieve, po ashtu janë dëmtuar nga era.