Rekord shifrash në Gjermani, afro 15 mijë raste të reja me COVID-19 në 24 orët e fundit
Bota E Shtunë, 24 Tetor 2020 08:37
Rekord shifrash të rasteve me COVID-19 në Gjermani. Mësohet se në 24 orët e fundit u regjistruan 14.714 raste të reja.
Po ashtu 49 persona kanë ndërruar jetë, duke e çuar në 10.003 numrin e viktimave. Qeveria gjermane tashmë i ka hequr kontrollet kufitare me shtetet anëtare të Bashkimit Evropian dhe me disa vende të tjera.
Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.
