“Roma një nga objektivat e radhës së terrorizmit”

Sipas CNN në vend janë aktivizuar celulat terroriste të përgjumura. Në mëngjesin e sotëm në Paris është hapur dhe samiti antiterrorizëm para marshimit të parashikuar në kryeqytet ku pritet një pjesëmarrja e madhe. Ministrat e Brendshëm dhe të Drejtësisë të Bashkimit Europian, u mblodhën për të krijuar një super koordinim ndërkombëtar për shkëmbimin e të dhënave për personat e dyshuar në mënyrë që të evitojnë dështime nga të cilat mund të përfitojnë terroristët. Aty mori pjesë dhe ministri amerikan i Drejtësisë Holder. Ministri italian i Brendshëm, Anxhelino Alfano ka dashur të sjellë eksperiencën italiane në luftën kundër terrorizmit e cila konsiderohet e suksesshme deri tani. Hapi i parë është aprovimi i regjistrimit të të dhënave të pasagjerëve nga të gjitha fluturimet , në mënyrë që të dihet identiteti i të gjithë udhëtarëve dhe destinacionet e tyre.