Rrëmbeu foshnjen dhe e hodhi në pus, policia në kërkim të majmunit “vrasës”

Policia në Indi është në kërkim të një majmuni që pretendohet se ka rrëmbyer një foshnje, trupi i të cilit u gjet më vonë brenda një pusi në shtetin lindor të Orissa.

Nëna e foshnjes e pa incidentin por nuk arriti që të shpëtonte djalin e saj.

Një i afërm gjeti trupin e tij në një pus prapa shtëpisë të dielën, një ditë pasi ishte rrëmbyer nga majmuni që kishte hyrë në shtëpi.

Zyrtarët thonë se kjo është “një rast shumë i rrallë”, megjithëse majmunët dëmtojnë shpresh pronat në këtë zonë.

“Ne shpresojmë të kapim majmun brenda një jave”, tha oficieri PC Pradhan, për BBC.

“Ndërsa majmunët  që sulmojnë njerëzit ose hyjnë në shtëpi në kërkim të ushqimit janë mjaft të zakonshëm është hera e parë që ka marrë një fëmijë.”

Zyrtarët e pyjeve i thanë BBC se majmuni hyri herët në mëngjes në shtëpinë e familjes dhe e rrëmbeu foshnjen.

Një mjek që ekzaminoi trupin tha se nuk kishte shenja të rënda të lëndimeve.

Mendohet se djali është mbytur në ujin e pusit, ku u la nga majmuni.