Rreth 45% e të sëmurëve me COVID-19 janë shëruar plotësisht në Korenë e Jugut

Që nga 20 janari kur koronavirusi filloi të shfaqej në Korenë e Jugut, u njoftua se rreth 45% e të sëmurëve janë shëruar plotësisht.

Sipas Korea Herald, në vend janë regjistruar 104 raste të reja dhe numri i personave të infektuar ka arritur në 9 241.

Në të gjithë vendin që nga shfaqja e rastit të parë më 20 janar e deri tani theksohet se janë shëruar plotësisht 4 144 persona të infektuar me COVID-19 dhe se kjo përbën 44,8% të rasteve.