Rriten ndjeshëm rastet e reja dhe viktimat nga COVID-i në Itali, ja sa u regjistruan në 24 orët e fundit (Bilanci)

Ministria e Shëndetësisë në Itali, njofton se në 24 orët e fundit janë regjistruar 13.114 raste të reja dhe 246 persona të vdekur nga COVID-19.

Mediat përtej Adriatikut shkruajnë se në të gjithë spitalet në vend, ndodhen 2.231 persona në terapi intensive, ndërsa në spital gjatë 24 orëve të fundit janë shtruar 19.112 persona, 474 më shumë krahasuar një ditë më parë.

Rajoni me më shumë raste është Emilia-Eimagna, e ndjekur nga Lombardia, Campania dhe Pinemonte. Ndërkohë, më tej saktësohet se që prej fillimit të pandemisë në Itali janë regjistruar 2.938.371 të infektuar ndërsa nurmi i vdekjeve është ndalur në 97.945 persona.