Rritet presioni ndaj Arabisë për zhdukjen e gazetarit, i dërguari i SHBA takon mbretin

Presioni po rritet ndaj Arabisë Saudite për të hedhur dritë mbi fatin e gazetarit Jamal Khashoggi, pasi Sekretari Amerikan i Shtetit Mike Pompeo u takua me Mbretin Salman në Riad.

Z. Khashoggi u pa për herë të fundit në konsullatën saudite në Stamboll para dy javësh.

Zyrtarët turq besojnë se z. Khashoggi u vra nga agjentët sauditë, por sauditët e kanë mohuar këtë.

Megjithatë, mediat amerikane raportojnë se sauditët po përgatiten të pranojnë se z. Khashoggi vdiq gjatë marrjes në pyetje, ku diçka shkoi keq sipas tyre.

Brenda natës, policia turke përfundoi një kontroll në Konsullatën Arabe pasi mori leje nga autoritetet saudite.

Sekretari i shtetit dhe mbreti kanë filluar bisedimet në Riad. Nuk ka asnjë fjalim zyrtare ende nga takimi por  zoti Pompeo do të kërkojë që mbreti të zgjerohet në bisedën e tij me Presidentin Donald Trump të hënën.

Duke folur rreth komunikimit që pati në telefon, Trump në një postim në twitter tha: Fola me mbretin e Arabisë Saudite i cili mohon çdo njohuri për çdo gjë që mund të ketë ndodhur me gazetarin saudit.

Ai më vonë u tha gazetarëve: “Mohimi ishte shumë, shumë i fortë. Më dukej sikur ndoshta këta mund të ishin vrasës mashtrues. Kush e di?”