Rusia kërkon mbështetjen e botës arabe: Mbajmë premtimet për grurin

Ministri i Jashtëm i Rusisë, Sergei Lavrov do t’i drejtohet Ligës Arabe gjatë vizitës në Egjipt, ku ka selinë e saj në kryeqytetin Kajro. Ai kërkon mbështetje pas zemërimit ndërkombëtar për luftën në Ukrainë.

Lavrov zhvilloi bisedime në Kajro me homologun e tij egjiptian, Sameh Shoukry, ku sipas agjencive ruse, mësohet se Rusia do ti qëndrojë angazhimeve të saj për eksportin e produkteve bujqësore, pavarësisht nëse kufizimet e aplikuara ndaj Moskës do të hiqen apo jo.

Egjipti ka lidhje të rëndësishme me Rusinë, e cila furnizon grurë, armë dhe deri në fillimin e pushtimit të Ukrainës, një numër të madh turistësh.