Rusia nis sulmet ajrore në Siri

Rusia duket se ka nisur sulmet ajrore në Siri.

Një zyrtar amerikan i mbrojtjes tha se Rusia po sulmon kundërshtarët e presidentit Bashar al-Assad.

Zyrtari tha se sulmet janë kryer në rajonin e Homs.

Ky zhvillim vjen mes raportimeve se Assad ka kërkuar formalisht mbështetjen ushtarake të Rusisë.

Ende nuk dihet nëse Rusia po sulmon vetëm Shtetin Islamik apo edhe kundërshtarët e regjimit të Assad.

Ndërkohë një zyrtar amerikan tha se Rusia ka informuar ambasadën amerikane në Irak se ata po kryejnë sulme në Siri, duke u kërkuar avionëve amerikanë që të shmangin hapësirën ajrore siriane gjatë këtyre misioneve.