Sërish protesta të dhunshme në Greqi

Ngjarje që po përsëriten shpësh në greqi, me të njëjtën kosto dhe të njëjtin skenar. Të veshur me të zeza dhe të vetëquajtur anarkistë, një grup personash i kanë vënë flakën Athinës. Dhunë dhe vandalizëm.

Ata u përleshën me forcat e policisë, duke i qëlluar këta të fundit me bomba molotov, gurë dhe sende të ndryshme. Forcat e rendit u përgjigjën ndërkohë me gaz lotjellës dhe shkopinj gome.

Kjo është protesta e pestë e dhunshme që zhvillojnë anarkistët që pas ardhjes në pushtet të partisë siriza dhe kreut të saj Aleksis Tsipras.

Teksa qeveria e Tsipras përballet me kritika të ashpra për mungesë të rendit, anarkistët bëjnë thirrje për mbylljen e disa burgjeve të sigurisë së lartë, premtim të cilin e bëri qeveria e majtë para se të vinte në pushtet.

Përleshjet mes protestuesve dhe policisë erdhën teksa në parlamentin grek po debatohej pikërisht kjo çështje.