SHBA ekzekuton gruan e parë që prej vitit 1951, mbyti shtatzënën dhe i nxorri fëmijën

52-vjeçarja Lisa Montgomery është gruaja e parë që ekzekutohet në SHBA, me një injeksion vdekjeprurës në gati 7 dekada. Krimi i saj ishte veçanërisht i rëndë.

Dhjetorin e 2004-tës, Lisa shkoi në shtëpinë e Bobbie Jo Stinnett në Misuri me pretekstin se do të adoptonte një qen por në fakt kishte thurur një plan të tmerrshëm. Me të hyrë në shtëpinë e Bobbie, e shtrëngoi në fyt derisa gruaja në muajin e tetë të shtatzënisë humbi ndjenjat.

Lisa mori pas kësaj një thikë në kuzhinë dhe i hapi barkun që t`i nxirrte fëmijën. Stinnett u përmend dhe luftoi me të, por Lisa në fund e mposhti duke e vrarë. Ajo arriti të merrte fëmijën e të largohej. Arratia nuk zgjati shumë. Gruaja e fundit e ekzekutuar në SHBA ishte Bonnie Heady, në 1953.