SHBA-ja ka nisur një praktikë të re për të tentuar uljen e kurbës së infektimit prej pandemisë

Qeveria amerikane po punëson dhjetëra mijëra njerëz për t’u bërë gjurmues të kontaktit, persona që ndjekin lëvizjet e pacientëve të infektuar me virus.

Fushata është krahasuar me një program të epokës së Depresionit. Programi i gjurmimit të kontaktit të sotëm është krijuar për të ngadalësuar përhapjen e virusit.

“Ne e quajmë epidemiologji prej lëkure këpucësh”, -tha Daniel Daltry, shef i programit në Departamentin e Shëndetit për shtetin amerikan të Vermont.

Më shumë se 20 gjurmues të kontaktit kanë folur me pacientët e Vermont për të zbuluar me kë kanë kaluar kohët e fundit. Individët të cilët kanë qenë të ekspozuar ndaj virusit paralajmërohen për një infeksion të mundshëm, në mënyrë që të izolohen.