Ekzistojnë tre lloje kryesore të koronavirusit që infekton njerëzit, dhe llojet mund të jenë duke u pësuar mutacion për të pushtuar sistemin imunitar të popullatave në të gjithë botën.
Sipas “Daily Mail”, historia gjenetike e koronavirusit u hartua nga 24 dhjetor deri në 4 mars, duke zbuluar tre variante të dallueshme, por të lidhura ngushtë.
Studiuesit nga Universiteti i Kembrixhit zbuluan se virusi që tani shihet në Ëuhan, Kinë dhe Azinë Lindore, nuk është lloji origjinal.
Në vend të kësaj, kronavirusi (e njohur si lloji B) rrjedh nga virusi origjinal SARS-CoV-2 i cili u përhap te njerëzit nga lakuriqët përmes pangolins (lloji A).
Tipi A është versioni që tani është më i përhapuri në Amerikë dhe Australi.
Një variant tjetër, i quajtur tipi C, rrjedh nga tipi B i Ëuhan, dhe u përhap në Evropë përmes Singaporit.
Shkencëtarët besojnë se virusi mund të jetë vazhdimisht duke pësuar mutacion për të kapërcyer nivele të ndryshme të rezistencës së sistemit imunitar në popullata të ndryshme.
Metodat e përdorura për të gjurmuar migrimin parahistorik të njerëzve antikë u përshtatën për të ndjekur përhapjen e virusit SARS-CoV-2, i cili shkakton COVID-19.