Shkon mbi 27 mijë numri i viktimave në Spanjë, ja bilanci i 24 orëve të fundit

Numri i viktimave në Spanjë ka shkuar në 27,104, ndërsa ai i rasteve të infeksionit që nga fillimi i pandemisë në 228,691.

Nga përditësimi i të dhënave më të fundit nga autoritetet spanjolle bëhet e ditur se në 24 orët e fundit kanë ndërruar jetë 184 persona, shkruajne mediat vendase.

Në spital në 24 orët e fundit janë shtruar 412 persona dhe deri tani numri i të hospitalizuarve ka shkuar në 123.896, ndërsa në njësinë e kujdesit intensiv janë pranuar 65 persona, duke e çuar numrin në 11.436.

Gjithashtu numri i bluzave të bardha që kanë kontraktuar virusin që nga fillimi i pandemisë llogaritet 49113.

Fernando Simón, drejtori i Qendrës për alarmet e shëndetit dhe urgjencave, shpjegoi se ekzistojnë 10 qytete që kanë raportuar më pak se 10 raste dhe se tendencat e vdekjeve mbeten nën 200.

“Ne besojmë se këto shifra në rënie do të ruhen nëse nuk ka ndryshime për shkak të keqpërdorimit të lehtësimit të masave kufizuese”.