Shkon në 13 numri i viktimave nga Covid-19 në Greqi, 530 të infektuar

Ka shkuar në 13 numri i personave të vdekur nga koronavirusi në Greqi.

Ndërkohë, 530 është numri i të infektuarve ky virus vdekjeprurës.

Viktimat raportohet se janë një burrë 84-vjeçar i shtruar në spital në Sotiria në Athinë, një burrë tjetër në Selanik dhe një grua 94-vjeçare në klinikën Pamakkaristos të kryeqytetit grek.

Nga 13 viktimat të gjithë ishin të moshave mbi 80 vjeç ndërsa , 12 prej tyre kishin sëmundje të rënda. Vetëm një nga viktimat ishte grua.

“Ne kemi të bëjmë me një armik të poshtër,” tha zëdhënësi i Ministrisë së Shëndetësisë, Sotiris Tsiodras.

“Ne po presim dhe po përgatitemi për një rritje të madhe të viktimave,” tha ai, duke bërë thirrje që të rerspektohen masat kufiziuese.

Greqia është vendi më i prekur në Ballkan nga koronavirusi.