Shpërthim në Turqi, 4 civilë të vrarë

Të paktën 50 persona kanë mbetur të plagosur si pasojë e një shpërthimi që ka goditur këtë të mërkurë një spital në krahinën turke të Mardin-it.

Mediat turke raportojnë se ndër të plagosurit ka dhe viktima.

“4 civilë të vrarë, 13 policë si dhe 57 civilë të plagosur në shpërthimin e autobombës”, citojnë ato.

Shpërthimi ka ndodhur në një spital në qytetin Kiziltepe, që ndodhet në juglindje të Turqisë, afër kufirit me Sirinë.

Sipas mediave vendase, bëhet fjalë për një automjet policie i cili shpërtheu ndërkohë që ishte parkuar pranë spitalit.

Mësohet se janë dëgjuar edhe të shtëna.