Shpërthime të fuqishme në disa qytete të Ukrainës, pasi OKB dënoi pushtimin rus

Sirenat e alarmit janë ndezur këtë mbrëmje në disa qytete të Ukrainës, ndërsa janë dëgjuar shpërthime të fuqishme.

Ekipet e CNN në terren kanë raportuar për sirenat e sulmit ajror në Odessa dhe Uman. Edhe në Kiev është dëgjuar një shpërthim i fuqishëm, por ende nuk ka informacione për pasojat që ka shkaktuar.

Shpërthimet vijnë në një kohë që Asambleja e Përgjithshme e Kombeve të Bashkuara votoi me 141 vota rezolutën që dënon pushtimin rus në Ukrainë.