Siria i përgjigjet Trump-it: Jemi gati për luftë

Një këshilltare e presidentit sirian, Bashar al Asad, e krahasoi kërcënimin e presidentit Trump me sulm ajror si “delirin e dikujt që humb ndeshjen”, duke shtuar se Siria dhe aleatët e saj janë gati për luftën që po nxit Amerika, nëse ajo nis.

Paralajmërimi për një sulm amerikan mbi Sirinë është pjesë e një “lufte psikologjike që ka për qëllim të projektojë pushtetin që Perëndimi në fakt e ka humbur”, tha Bouthaina Shaaban, këshilltare e Asadit për politikën dhe mediat. Ajo tha se ky shou do të përfundojë me një marrëveshje diplomatike dhe akuzoi Izraelin se po nxit konfrontimin.

Fitorja e Asadit në luftën civile 7-vjeçare do të ndryshojë hartën e rajonit dhe humbësi më i madh do të jetë Izraeli.