“Situatë kaotike”! Trump i përgjigjet ashpër Obamës: Krahasoje me katastrofën e Gripit të Derrit! Puna ime po merr…
Presidenti i Shteteve të Bashkuara, Donald Trump, i është përgjigjur ish-presidentit Barack Obama, i cili e kritikoi qeverinë amerikane për mënyrën se si e ka menaxhuar situatën e pandemisë.
Trump iu kthehet po me kritikë të ashpër ish-presidentin Obama dhe ish-nënpresidentin Joe Biden, teksa kujton situatën e Gripit të Derrit, duke i akuzuar ata për menaxhim të dobët të situatës.
“Ne po marrim nota të mrekullueshme për menaxhimin e pandemisë së koronavirusit, sidomos për ndalimin e hershëm të hyrjes së njerëzve nga Kina, burim i infeskionit. Krahasojeni këtë me katastrofën e Obamës dhe Joe-t të fjetur, të njohur si Gripi i Derrit H1N1. Nota të dobëta, sondazhe të këqija, lidhje nuk kishin!”, shkroi kreu i Shtëpisë së Bardhë në Twitter.
We are getting great marks for the handling of the CoronaVirus pandemic, especially the very early BAN of people from China, the infectious source, entering the USA. Compare that to the Obama/Sleepy Joe disaster known as H1N1 Swine Flu. Poor marks, bad polls – didn’t have a clue!
— Donald J. Trump (@realDonaldTrump) May 10, 2020
Ish-presidenti Obama një ditë më parë e kritikoi ashpër administratën amerikane, duke thënë se e tërë situata është një katastrofë kaotike dhe absolute. Duket që këto fjalë nuk e kanë kënaqur presidentin e tanishëm, i cili gjithashtu u përkujdes që t’i shpërndande disa postime të figurave të tjera kundër Obamës.
