Skiatorja e famshme vdiq pasi e zuri orteku në Brezovic, i dashuri i saj: Do martoheshim në shtator!

Skiatorja e njohur amerikane Catherine ‘Kasha’ Rigby është 54-vjeçarja që vdqi pasi e zuri orteku në Kosovë. Rigby, e njohur si Kasha, vdiq të martën në vendpushimin malor të Brezovicës në Kosovë. I fejuari i saj Magnis Wofe Murray në një postim në Facebook shkruan se do të martoheshin në shtator, ndërsa thotë se është i shkatërruar.

“Ne do të martoheshim në shtator. Tani jam i ve dhe i shkatërruar”, ka shkruar ai.

E konsideruar si një nga skiatoret më të mira të telemarkut në botë, ajo ishte duke skijuar jashtë korsive turistike kur një ortek e goditi, tha policia. Ajo vdiq pavarësisht se mori CPR të menjëhershme nga Murray dhe më vonë ndihmën mjekësore.

Ajo ishte në Brezovicë, 50 milje në jug të kryeqytetit të Kosovës, Prishtinës, me Tour de Piste, një projekt i përbërë nga skiatorë ekspertë për të lëvizur në pistat e skijimit të paeksploruara në vende të njohura.

Vdekja e saj u konfirmua nga Departamenti Amerikan i Shtetit, pa dhënë emrin e saj apo më shumë detaje “për respekt ndaj familjes në këtë kohë të vështirë”.

Skijimi Telemark është një kombinim i skijimit alpin dhe nordik ku atleti përkul gjunjët sa herë që duhet të kthehet. Thembra është ngjitur në pjesën e përparme të lidhjes me anë të një kabllo të varur.

Ajo konkurroi në garat e telemarkave dhe garat e skive ekstreme në SHBA, Kanada, Amerikën e Jugut, Zelandën e Re, Rusinë, Azinë, Evropën, Indinë dhe Lindjen e Mesme.

Ajo bëri ski majën më të lartë në Siberi, Kirgistan, Kinë dhe Pesë Majat e Shenjta Mongole dhe është një nga tre femrat e vetme amerikane që skijojnë një majë 8,000 m në Himalaje.