Spanja pritet të katërfishojë sasinë e vaksinave

Kryeministri spanjoll ka deklaruar  se numri i dozave të vaksinave Covid-19 do të katërfishohet në tremujorin e dytë të vitit.

Pedro Sanchez tha se qeveria ishte e vendosur për të arritur një objektiv vaksinimi të 70% të popullsisë deri në fund të verës. Qeveria ka porositur 126 milion doza të vaksinave të ndryshme – më shumë se 52 milion nga Pfizer / BioNTech, më shumë se 31 milion nga AstraZeneca, 23.5 milion nga Curevac, rreth 21 milion nga Johnson & Johnson dhe 8 milion nga Moderna.

Por programi i vaksinimit të Spanjës është prekur nga moti i keq dhe nga mungesa e furnizimit. Deri më tani janë administruar 3.16 milion doza dhe 1.2 milion njerëz kanë marrë dy doza.

Sanchez iu drejtua ligjvënësve mbi gjendjen alarmante të vendit, i cili pritet të zgjasë kufizimet deri në fillim të majit në një përpjekje për të parandaluar transmetimin e virusit.

Disa parti të opozitës kanë bërë thirrje që  kufizimet të lehtësohen sa më shpejt por Sanchez e refuzoi duke thënë se lehtësimi i kufizimeve gjatë  Krishtlindjeve kishte kontribuar në një “valë të tretë” të pandemisë në pjesën më të madhe të Europës.