Spanjë, Mbreti Felipe VI ngarkon Rajoy-n me krijimin e një qeverie të re

Mbreti Felipe VI i Spanjës ngarkoi shefin e qeverisë dalëse, konservatorin, Mariano Rajoy, të përpiqet të formojë një kabinet të ri dhe t’i japë fund më shumë se shtatë muaj bllokimi politik, njoftoi sot Rajoy.

“Mbreti më kërkoi të përpiqem të formoj një qeveri (…) e pranova këtë mision”, deklaroi Mariano Rajoy duke theksuar se do të dyfishojë përpjekjet për të marrë mbështetjen e nevojshme në Parlament.