“Spitalet e Kalifornisë refuzojnë pacientët me Covid-19 për arsye financiare”

Spitalet e Kalifornisë refuzuan transferimet e pacientëve me Covid-19 për arsye financiare, sipas asaj që tregojnë e-mail-et shtetërore, shkruajnë Melanie Evans, Alexandra Berzon dhe Daniela Hernandez në një investigim ekskluziv për gazetën e njohur amerikane ”Wall Street Journal”.

Disa sisteme të mëdha spitalore të Kalifornisë Jugore refuzuan ose vonuan në mënyrë të papërshtatshme pranimin e pacientëve Covid-19 bazuar në statusin e tyre të sigurimit, sipas postës elektronike të brendshme midis qeverisë lokale dhe shtetërore, spitalit dhe zyrtarëve të reagimit të urgjencës.

Kjo solli që shumë pacientë të sëmurë rëndë u lanë në pritje duke shtuar irritimin në spitalet e tejmbushur nga pandemia.

Ekspertët e reagimit ndaj katastrofave thanë se refuzimet dhe vonesat ekspozuan mënyrat se si disa spitale kanë vënë financat përpara ndihmës pandemike.

”Disa raste mund të kenë shkelur edhe një ligj federal që mbron aksesin në kujdesin urgjent, ndërsa në raste të tjera veprimet binin ndesh me etikën mjekësore”, thanë ekspertët.

E-mail-et identifikuan katër sisteme kryesore spitalore si refuzuese ose vonuese të marrjes së pacientëve transferues. Në disa raste, nuk mund të përcaktohet nëse më shumë se një spital në sistem refuzoi ose vonoi pranimin e pacientëve.

”Ligji federal kërkon që spitalet të pranojnë pacientë të caktuar me urgjenca mjekësore që kanë nevojë për transferime, por jo të tjerët. Në çdo rast, spitalet pritet të japin vullnetarisht ndihmë gjatë një krize nën planet e katastrofës”, thanë ekspertët e reagimit ndaj katastrofave.

Ligjet e shteteve për transferimet në spitale ndryshojnë. Arizona lëshoi ​​deklarata emergjente gjatë krizës së koronavirusit që kërkonte që spitalet të bënin transferimet. Por Kalifornia është ndër shtetet – përfshirë Miçiganin, Nju Jorkun dhe Teksasin, ku valët e pandemisë gjithashtu ”përmbytën” disa spitale – që nuk ka ndonjë kërkesë të tillë të qartë.