Sulm në Turqi, 3 të vdekur dhe 73 të plagosur

Të paktën tre të vdekur dhe 73 të plagosur sot në Van, në lindje të Turqisë, nga një atentat me veturë bombë të kryer nga Partia e Punëtorëve të Kurdistanit (PKK), deklaroi një përgjegjës lokal.

Atentati shënjestronte një komisariat të policisë në Ipekyolu, një lagje në qendër të qytetit Van, njoftoi Mehmet Parlak, i cituar nga agjencia Anadoll.

Ky përgjegjës akuzoi për këtë atentat PKK-në, organizatë rebele kurde e jashtëligjshme dhe që nga shteti turk konsiderohet si organizatë terroriste.