Sulme iraniane në aeroportet e Dubait dhe Abu Dabit, 1 i vrarë dhe 11 të plagosur

Një person ka humbur jetën dhe 11 të tjerë janë plagosur në aeroportet e Dubait dhe Abu Dabit, pas sulmeve të Iranit në Lindjen e Mesme, të cilat u kryen si hakmarrje ndaj një ofensive të SHBA-së dhe Izraelit që nisi të shtunën në mëngjes.

Autoritetet e Abu Dabit njoftuan se një dron i drejtuar drejt Aeroportit Ndërkombëtar Zayed u shmang, por mbetjet e tij shkaktuan vdekjen e një personi dhe plagosjen e shtatë të tjerëve.

Në Aeroportin Ndërkombëtar të Dubait, një incident plagosi katër punonjës dhe shkaktoi dëme materiale. Dhjetëra fluturime u anuluan, duke krijuar ndërprerje të mëdha në trafikun ajror global.

Sulmet iraniane vazhduan të dielën, me përdorimin e raketave balistike dhe dronëve ndaj aleatëve amerikanë në Gjirin Persik. Shpërthime u raportuan në Doha, Dubai dhe Manama, ndërsa Katar, Bahrein, Jordani dhe Kuvajti interceptuan raketat, megjithatë mbetjet e tyre shkaktuan dëme të konsiderueshme.

Në Bahrein, aeroporti pësuan dëme nga sulmet me dronë, ndërsa Forcat e Gardës Revolucionare Islamike të Iranit konfirmuan sulmin ndaj selisë së Flotës së Pestë të Marinës amerikane në Manama. Agjencia shtetërore e Omanit raportoi se porti tregtar Duqm u godit nga dy dronë, duke plagosur një punonjës.

Ky përshkallëzim i tensioneve rajonale ka shkaktuar ndërprerje serioze në trafikun ajror dhe shqetësim për sigurinë rajonale.