
Huthët e Jemenit kanë marrë përgjegjësinë për dy sulme me gjithsej pesë dronë që synuan stacionet e pompimit të naftës në Arabinë Saudite, sipas zëdhënësit ushtarak të grupit, Yahya Sari. Sipas njoftimit të Sari-t, operacionet kanë pasur në shënjestër objektet përgjatë tubacionit Lindje-Perëndim.
Ky është një infrastrukturë kyçe për transportimin e naftës në vendin saudit. Sulmet e Huthëve në Arabinë Saudite synuan dy objekte të rëndësishme të rrjetit të naftës, sipas të njëjtit njoftim. Sulmi i parë u krye kundër stacionit të nëntë të pompimit të tubacionit të naftës, duke përdorur tre dronë.
I dyti synoi stacionin e tetë të pompimit, kundër të cilit u përdorën dy dronë, bëri të ditur zëdhënësi i Huthëve. Ai i cilësoi sulmet si “të sakta dhe të menjëhershme”, por nuk dha informacione të mëtejshme mbi shkallën e dëmit ose ndikimet e mundshme në funksionimin e objekteve.
Tubacioni i naftës Lindje-Perëndim lidh rajonet prodhuese të naftës në Arabinë Saudite lindore me objektet në Detin e Kuq. Kjo lejon transportin e naftës bruto pa kaluar nëpër Ngushticën e Hormuzit. Rëndësia e tij është rritur ndjeshëm për shkak të zhvillimeve ushtarake në rajon.
Ndërprerja e lundrimit në Ngushticën e Hormuzit ka ndikuar në eksportet e naftës nga vendet e Gjirit Persik. Huthët kanë sulmuar vazhdimisht objektet saudite të naftës ditët e fundit. Më 12 nëntor, ata njoftuan sulme në stacionin e shtatë të pompimit të të njëjtit tubacion dhe në një objekt nafte në portin e Yanbu, në Detin e Kuq.
