Sulmi në Kolorado gjatë protestës në mbështetje të Izraelit, Trump: Radikalët e paligjshëm do të deportohen

Presidenti i Amerikës, Donald Trump dënon sulmin e ndodhur në Bolder të Kolorados, ku 8 persona u plagosën të dielën si pasojë e bombës që hodhi një 45-vjeçar duke bërtitur “Liri për Palestinën” gjatë një në kujtim të pengjeve izraelite që vazhdojnë të mbahen në Gazë. Trump shkruan se sulmi i tmerrshëm nuk do të tolerohet në Shtetet e Bashkuara të Amerikës.

”Ai erdhi në pushtet nëpërmjet Politikës qesharake të Kufijve të Hapur të Bidenit, e cila e ka dëmtuar kaq keq vendin tonë. Ai duhet të largohet sipas Politikës “TRUMP”. Aktet e Terrorizmit do të ndiqen penalisht në masën më të plotë të Ligjit.

Ky është një tjetër shembull pse duhet t’i mbajmë kufijtë tanë të SIGURTË dhe të deportojmë radikalët e paligjshëm antiamerikanë nga atdheu ynë. Zemra ime është me viktimat e kësaj tragjedie të tmerrshme dhe me Popullin e Madh të Boulder, Colorado”.