Tensionet me Rusinë/Presidenti i Rumanisë: Joe Biden të na dërgojë më shumë trupa të NATO-s
Presidenti i Rumanisë, Klaus Iohannis i ka bërë kërkesë Presidentit të SHBA-së, Joe Biden, për një prani më të madhe ushtarake të SHBA-së ”nga Baltiku në Detin e Zi” për të mbrojtur vendet e Evropës Lindore nga Vladimir Putin. Sipas mediave të huaja, ai i tha presidentit Biden se më shumë trupa të NATO-s janë të nevojshme në krahun lindor të Evropës pas një vendosje të fundit ushtarake nga Rusia në kufirin e saj me Ukrainën.
Komentet e tij erdhën në një konferencë të Bukureshtit, ku morën pjesë Rumania, Polonia, Hungaria, Bullgaria, Republika Çeke, Sllovakia, Estonia, Letonia dhe Lituania, të cilat ishin të gjitha ose pjesë e Bashkimit Sovjetik ose të kontrolluara nga Moska gjatë Luftës së Ftohtë.
Të nëntë vendet janë anëtarë të BE-së dhe NATO-s. Iohannis ia tha këtë Bidenit, i cili mori pjesë në konferencë përmes lidhjes online, duke e paralajmëruar për rritjen e aktivitetit rus, përfshirë rajonin e Detit të Zi, ku ndodhet Rumania.
“NATO duhet të vazhdojë të forcojë pozicionin e saj të parandalimit dhe mbrojtjes, veçanërisht në krahun lindor, në një mënyrë të unifikuar dhe koherente, nga Deti Baltik në Detin e Zi. Unë u luta, përfshirë në diskutimin me presidentin Biden për një rritje të pranisë ushtarake aleate, duke përfshirë SHBA, në Rumani dhe në jug të krahut lindor”, tha ai.
