Thirrja që bën Zelensky: Europa të mbyllë portet për anijet ruse

Presidenti ukrainas Volodymyr Zelensky, thotë se Europa duhet ti mbyllë portet për anijet ruse. Ai shtoi se Ukraina dhe Norvegjia kanë filluar bisedimet për furnizimin me 5 miliardë metra kub gaz për dimrin e ardhshëm.

”Norvegjia mund të japë një kontribut vendimtar për sigurinë energjetike të Europës duke ofruar burimet e nevojshme si për vendet e Bashkimit Europian ashtu edhe për Ukrainën”.

Presidenti ukrainas nënvizoi se ky hap i parë do të jetë baza për bashkëpunimin e gjatë në këtë fushë mes dy vendeve. Vendi nordik eksportoi 113.2 bcm gaz vitin e kaluar. Kujtojmë se Norvegjia është furnizuesi i dytë më i madh i Europës me gaz pas Rusisë.