Thyen rregullat anti-Covid, arrestohen dy shqiptarët/ Ja gjoba e majme që duhet të paguajnë

Policia greke ka vendosur në pranga dy persona shqiptarë  pasi kishin thyer masat anti-Covid.

Efektivët bastisën lokalin ku kishte muzikë live dhe dhjetëra klientë të cilët injoronin koronavirusin.

Sipas medias greke SKAI, klubi i natës në fjalë funksionoi për 3 muaj të tërë, me këngëtarë të njohur, të cilët shfaqeshin në skenë çdo javë.

Të ftuarit qëndronin mbyllur gjatë gjithë natës duke shijuar muzikën dhe largoheshin pas orës 6 të mëngjesit.

Dy personat e arrestuar për këtë thyerje të rregullave janë dy persona me origjinë shqiptare, Ata u gjobitën me 3,000 mijë euro, ndërsa një gjobë prej 5,000 euro u vendos në klubin e tyre.

Gjobat prej 30 eurosh për shkeljen e masës kundër përhapjes së koronavirusit iu dhanë gjithashtu të gjithë klientëve.