Tre viktima dhe qindra aksidente nga kushtet e rënda atmosferike

Tre persona humbën jetën në dy aksidente të shkaktuara nga kushtet e rënda atmosferike në një autostradë kryesore në perëndim të Gjermanisë, njoftoi policia mëngjesin e sotëm. Ndërkohë, moti i acartë vijon të ndikojë ndjeshëm në transport dhe funksionimin e shkollave në disa pjesë të vendit.

Sipas policisë, aksidentet ndodhën në autostradën A44, pranë qytetit të Paderbornit, midis daljeve Marsberg dhe Lichtenau.

Në landin verilindor të Saksonisë së Poshtme, shumë shkolla u mbyllën sot për shkak të reshjeve të dendura të borës dhe kushteve tejet të rrëshqitshme në rrugë.

Një zëdhënës i policisë e përshkroi situatën në rrugë si katastrofike.

Ndërkohë, një zëdhënës i policisë në Osnabrück deklaroi se “kanë ndodhur qindra aksidente si pasojë e rrugëve të rrëshqitshme”.