Tre të vdekur nga zjarri në një fabrikë kimike

Autoritetet indiane po përpiqen të mbajnë në kontroll një zjarr që ka shpërthyer në një fabrikë kimike në shtetin perëndimor të Maharashtrës, duke vrarë tre vetë.

Nga zjarri në Boisar, pranë qytetit Mumbai, kanë mbetur të plagosur edhe disa persona, tha policia.

Policia ka rrethuar zonën dhe operacionet e kërkim-shpëtimit vazhdojnë ende.

Autoritetet presin që numri i viktimave të rritet dhe ekipet mjekësore janë në vend.

Dëshmitarët lokalë thanë për median indiane se zjarri ndoqi një shpërthim që “dukej si një bombë e madhe”, gjatë mbrëmjes së të enjtes.

“Dridhjet” e shkaktuara nga shpërthimi u ndjenë rreth 12 km larg, duke shkatërruar dritaret madje edhe në disa zona të Mumbai, shtuan raportet.

Më herët gjatë këtij viti në Mumbai, dy ndërtesa u dogjën nga zjarri brenda javës.

Prej asaj kohe janë ngritur pikëpyetje serioze mbi standardet e sigurisë në qytet.