Trump paralajmëron Londrën

Presidenti amerikan Donald Trump  ka dënuar për të tretën herë brenda ditës sulmet terroriste që tronditën kryeqyteti britanik mbrëmjen e djeshme.

“Ne duhet të ndalojmë së qeni politikisht korrekt dhe të punojmë për sigurinë e popullit  tonë – shkroi Trump në rrjetin social Twitter – Nëse nuk tregohemi të zgjuar gjërat vetëm do të përkeqësohen “.

Në një reagim të mëparshëm Presidenti amerikan shkroi SHBA-ja do të bëjë gjithçka për të ndihmuar Londrën dhe Britaninë e Madhe.

“Ne jemi me ju, Zoti ju bekoftë!”, u shpreh numri një i Amerikës

3 terroristë të armatosur me thika hynë me furi mes një turme njerëzish në Urën e Londrës,  me një fugon të bardhë, duke vrarë 6 persona.

Ata lanë automjetin dhe filluan të sulmonin njerëzit në zonën e njohur si “Borough Market” në anën jugore të lumit Thames, thanë dëshmitarët

7 persona kanë humbur jetën dhe 48 persona kanë pësuar lëndime dhe po trajtohen në spital.

Kryeministrja britanike tha se disa prej tyre janë në rrezik për jetën.