Presidenti rus Vladimir Putin gjatë fjalimit të tij në forumin e Valdait që po mbahet në rajonin turistik të Soçit në Detin e Zi, tha se një rend i ri botëror po ngrihet,
”Para syve tanë, po formohet një rend botëror krejtësisht i ri. Fuqitë e reja po ngrihen, popujt po ndërgjegjësohen gjithnjë e më shumë për interesat e tyre, për vetëvlerësimin, origjinalitetin dhe identitetin e tyre dhe po insistojnë gjithnjë e më shumë në arritjen e qëllimeve të zhvillimit dhe drejtësisë”, tha lideri rus.
Deklarata vjen vetëm dy ditë pasi Donald Trump u zgjodh presidenti i 47 i Shteteve të Bashkuara dhe njoftimit të Macron në Forumin Ekonomik, se Bashkimi Evropian po përgatitet për krijimin e një ushtrie, për të shmangur varësinë nga SHBA.
