Turqia regjistron mbi 4,600 raste të reja me Covid-19 brenda 24 orëve

Turqia regjistroi 4,674 raste të reja me Covid-19 gjatë 24 orëve të fundit.

Kjo është shifra më e lartë e regjistruar në një ditë të vetme.

Sipas ministrisë turke të shëndetësisë u shënuan edhe 123 viktima të tjera.

Deri më tani në Turqi janë shënuar 2,140 viktima dhe janë regjistruar 90,980 të infektuar.

Turqia do të jetë e izoluar edhe për 4 ditë për të shmangur përhapjen e Covid-19, deklaroi ditën e djeshme presidenti turk Rexhep Tajip Erdogan.

Erdogan deklaroi gjithashtu se vendi ka filluar prodhimin e ventilatorëve.